關嘉敏陳康琪演《法證》重拾童年回憶

組合Bingo成員Carman（關嘉敏）及Odilia（陳康琪）有份客串的《法證先鋒IV》，昨晚播出着婚紗行catwalk戲，兩人感謝總監製梅小青給予機會，Carman說：「呢套劇係我其中一套嘅童年回憶，劇中可以着婚紗好夢幻，收到好多朋友嘅Cap圖讚我哋着婚紗好靚，好開心啊！希望之後會有多啲機會試到唔同角色。」她每晚都有追看該劇：「就算睇唔到直播都會即晚網上睇番，因為故事太有追看性，同埋要捧大師兄海俊傑場嘛，呢套劇每一個都演得好好，可以畀到我好多學習嘅機會。」

而Odilia亦說：「《法證先鋒》系列係其中一套陪伴我成長嘅電視劇，我本來就好鍾意睇一啲查案嘅劇集，諗番當日拍攝嘅時候就好似返咗去以前做model嘅日子。」對於可以與女神張曦雯、前輩羅蘭及謝雪心合作，她感到榮幸及開心：「我尋日都有坐定定喺屋企睇自己嘅演出，我仲叫晒屋企人、朋友一定要睇，等大家畀多啲意見我，等我可以有更多進步機會。」