女兒發燒冇醫院收！鮑起靜爆粗鬧英政府

影后鮑起靜早前為無綫劇集《法證先鋒IV》客串演出，一場爆喊戲份感動無數觀眾，但她早於2月中完成網劇《女法醫JD》後已飛英國探望女兒，故未有為劇集宣傳。鑑於當地爆發疫情，她抵埗後已家居自我隔離14日，其後為安全起見亦甚少外出，豈料女兒遇上病魔來襲，低燒不退更持續一個月之久，惹來新冠肺炎疑雲！

雖然有求診，但醫生診斷後以非緊密接觸者為由，拒絕讓她入院，只叫她回家休息。幸好女兒最終退燒，身為母親的鮑起靜仍非常震怒，還於社交網連環爆Seed喪鬧英國政府，並以「廢」來形容，還愈講愈㷫忍不住爆粗：「要你自生自滅……乜X政府。」

由於當地防疫用品短缺，鮑起靜表示致電回港叫老公方平打救：「去坐輕鐵，啲乘客見我戴口罩即刻四散。（屋企夠儲糧？）之前有限定每人買兩包公仔麵，好在方平都有寄大堆嘢過嚟，都足夠嘅，依家惟有留住呢邊先。」方平則表示擔心：「嗰邊都幾嚴重，去買嘢都要同巡邏嘅警員講聲！」