開工做兵!羅仲謙半夜起身幫楊怡按腳

2020年03月26日 23:00
東網電視
更多新聞短片
羅仲謙真係錫老婆喇!
藝人羅仲謙和鄧佩儀(Gloria)為新劇《陀槍師姐2020》在油麻地街頭開工,拍攝兩人咬住雪條棍互訴心事的場面,Gloria笑言可凸顯謙仔的「暖男」Mode。原來五年前兩人在劇集《衝線》合作過,雖然再結戲緣,但依然無緣做情侶,劇中Gloria只鍾情其「男神」洪永城,謙仔笑說:「我單戀佢咋!(做觀音兵?)都算算哋,即係講心事嗰啲咪搵我囉,付出一切,但乜嘢都得唔到,連眼神都唔留畀我。」
兩人既然沒感情線,太太楊怡可放心安胎不用來監場?謙仔笑說:「冇放唔放心,講太太嘅拍戲經驗,我係望塵莫及嘅!」疫情下太太是否已禁足出外?他說:「呢個世界點可能禁止吖,只能盡量小心啲,冇乜特別都留喺屋企,如果佢要出去都會自己揸車。(你放心佢揸車?)還可以嘅,但佢依家個肚都大,都擔心佢跣親,佢覺得自己揸車方便啲,疫情下都盡量避免接觸太多人。」
謙仔被笑不敢逆太太意思,他抵死笑說:「佢大唔大肚我都係咁順佢意啦!從來都冇變過。(依家更加?)佢威晒啦!(阿B出世後,你地位不保?)唔會變嘅,應該唔升唔跌。」待劇集煞科後,是否可以專心陪太太待產?他說:「應該趕唔切,未拍完,所以都同劇組備晒案,到時會攞幾日假。(擇日?)唔知,都睇狀況。」他表示不少人說大肚婆情緒起伏大,但太太就沒有這情況,只是試過半夜隻腳抽筋,他即起身幫她按摩紓緩。