【閨蜜睡房】被讚好笑 關智斌自認冇內涵?

20200326
東網電視
更多新聞短片
大家記得睇喇!
公認靚仔有型的關智斌(Kenny),近來除了拍電視、電影、唱歌外,還與同門陳家樂和楊天宇一齊做節目,主持《三夫當關》,三個大男生在節目甚有火花,舌劍唇槍之下竟傳出三人不和。Kenny早前接受東網巨星炮製的節目「海馬牌床褥特約」《閨蜜睡房之Brother來了》訪問時,向主持人李文珊(Sherman)直認三人真的不和,他說:「因為我哋每集都大家鬧大家,有一集係整蠱楊天宇,佢嬲到爆,嬲到掟嘢,自從上一次畀容祖兒喺北海道整蠱之後,我已經唔相信人,對每件事都抱有懷疑態度,不過對於我整蠱人,又覺得好開心。」
他自言三人並非好口才的人,做主持只是「夾硬嚟」,不過他說:「我係冇意欲搞笑,唔知點解,有人覺得我講嘢好搞笑,其實我都有個問號。(大家唔淨係睇你靚仔,覺得你好有內涵?)係咪其實覺得我冇內涵,所以覺得好笑呢?」笑言不知是可笑還是可悲?他覺得唱歌能直接表達自己想法,演戲則是演繹另一個人生,各有滿足感。
節目中,Kenny公開現在單身的狀況,半邊床空着等候另一個人:「原本希望有個人喺度瞓,點知到依家都未搵到,所以一直吉咗喺度。」另外,提到去年受拍檔張致恒的桃色事件拖累,紅館夢猶如坐過山車,他說可能是上天給他的創意安排,大家想知道更多,就記得本星期五、六、日收睇《閨蜜睡房》喇!