群星中招 方力申Post相嚇死小丸子

20200327
東網電視
更多新聞短片
方力申扮小丸子Post咗出街,惹來強烈反應,小師妹歐鎧淳留話要跟小方一樣要Post。
方力申喺社交平台放咗兩張太爆嘅相,竟然係反串扮小丸子,仲要嘟起嘴仔,原來小方係接受咗近日新興嘅「Until Tomorrow」挑戰,可能全球受新冠肺炎疫情影響,個個都困喺屋企太無聊,有人發起新一輪挑戰,就係post張自己醜態或樣衰嘅相上去。
小方留言「#邊個已經like咗呢個post都要post張樣衰相出嚟#找數#我曾經係小丸子#我對AJ11都好襯條裙#最緊要大家睇得開心開心」,唔怪得小方咁大方公開「靚」相,佢都應該係「中咗招」like咗人哋嘅相,先要作出犧牲將呢兩張玉照公諸於世。
最搞笑師妹女飛魚歐鎧淳都留言表示跟小方一樣要post,但暫時未見佢醜態樣,而名模陳嘉欣、苟芸慧都「中招」like咗小方個post,陳嘉容仲話:「想打你」!吳家樂就話:「頂你」,最搞笑有網民不留情面笑佢:「嚇死小丸子了」,不過都有粉絲要求偶像:「下次fanclub gathering請小丸子現身,相信大家會仲開心」喎!