黎曉靈籌款抗疫直播 李治廷晒麒麟臂吸愛心

2020年03月27日 02:22
東網電視
更多新聞短片
黎曉靈邀請李治廷一齊做直播,籌款購買抗疫物資。
近年主力大陸發展的男星李治廷,日前接受「時尚名媛」黎曉靈(Kimmy)邀請做聯合直播,為孤兒籌款購買抗疫物資。李治廷出動法寶作招徠,除咗捐出心愛結他同背包拍賣籌款外,仲即場又彈又唱,之後又教大家喺屋企保持做運動,保持健康,仲即場場示範用櫈做掌上壓,單身掌上壓,展現麒麟臂威力。懂得多國語嘅李治廷用俄語、意大利語、德語、法語、英語為大家打氣,,將暖男才華發揮得淋漓盡致。
而Kimmy捐出多款珍貴拍賣品,包括Paris Hilton的皮褸、韓國女星韓藝瑟送她的手袋以及一卡鑽石手鏈,Kimmy話:「今次嘅籌款對象係孤兒,因為佢哋係弱勢社群,喺疫情下更需要幫助,而且佢哋係小朋友唔識照顧自己。為咗佢哋,我獻出我嘅第一次直播,好開心第一次就打破某平台紀錄,有超過31萬人睇。我邀請李治廷同我一齊直播,教大家如何宅在家都可以保持健康,但由於疫情關係,所以我哋分別喺香港、北京兩地直持播。李治廷對粉絲好好,佢競投咗我捐嘅鑽石手鏈再送畀粉絲。」