限制10位粉絲！霍柔心慶生P做足防疫措施

女子組合B.Gs主音霍柔心（Riley）於三月十四日白色情人節推出第二首個人單曲《戀愛的沖擊》，適逢三月生日，粉絲就諗住幫佢搞個聚會慶祝，不過鑑於疫情嚴峻，原本要取消，最終經過多次商討先搞得成！

Riley表示 :「其實每年生日都會同一班朋友、同事、粉絲慶祝。但今年遇上肺炎時期，就諗住唔慶祝，但粉絲好有心，大家傾過幾次，最後決定限制出席人數，經過抽籤選出幸運兒，入場地之前大家都要申報有冇去過外地，同埋要量體溫同埋做足清潔防疫措施。」

Riley坦言對於未能出席嘅粉絲深表遺撼，並承諾只要疫情過去，會盡快搞番個大型嘅粉絲聚會。粉絲送咗好多小禮物畀偶像，當中最鍾意係印有佢新歌封面嘅棒棒糖，感覺超驚喜！Riley嘅回禮好實際，就係近期最受歡迎嘅抗疫物品如酒精搓手液等，真係好貼心啊！