整埋花環 黃翠如調理農務種到開晒花

2020年03月27日 08:25
東網電視
更多新聞短片
真係愈宅愈文青,咩事。
「宅」在家中,可以好多嘢做,無綫花旦黃翠如除咗玩煮飯仔冧吓公蕭正楠之外,原來都有閒情逸致搞吓「農務」!黃翠如晒出拎花自拍,原來佢玩種香草,顆草生花,就摘出嚟玩穿花,佢留言:「家中香草種出了花,我為自己做了一個花環,待在家的日子,四處尋找美好。」唔少老友同網民留言讚佢叻叻,好友唐詩詠留言祝佢成功,佢好謙咁話:「Basil(羅勒)花,叫唔叫成功呀?」不過有個好有記性嘅粉絲,問佢種鬱金香種成點時,黃翠如只係回覆一個冇眼睇嘅公仔符號,睇嚟凶多吉少!