自嘲「雨神」 江嘉敏晒相出蠱惑被踢爆

20200327
東網電視
更多新聞短片
今次就真係…自己踢自己喇!
打波先嚟落雨,又真係幾down!無綫小花江嘉敏喺社交網吐苦水,原來佢換晒白鞋仔同短褲仔諗住打波,點知最後掃興,佢話:「次次着親新鞋都落雨㗎....仲要係白色鞋。下次着新鞋話你哋知,等你哋帶定遮!」聽落又真係幾慘,不過網民就笑佢係「雨神」,話雖然身材未足以做「乳神」,做「雨神」都唔錯,可以造褔人群咁話!
但都有網民質疑佢張相加過工,話隻腳冇理由咁幼之餘,藝人黃嘉樂直情講出重點:「兩條頭髮幫到手喎!」即係話本來紮住辮嘅江嘉敏,無啦啦放咗兩執頭髮落嚟,其實係嚟遮吓塊面,睇落冇咁肥!