范冰冰老家「婚房」被拆除 轉手隨時賺2倍

2020年03月27日 11:01
東網電視
更多新聞短片
拆咗再買過新嘅!
內地藝人范冰冰近年逐步「重出江湖」,之前復出一直受阻嘅佢,因疫情關係終可「光明正大」現身人前,拍片教洗手,而大陸傳媒更爆出佢當初同前男友李晨打算用嚟做「婚房」嘅青島別墅,竟然正被拆除!
據了解,被拆除的建築群正是享譽國內外著名的海邊別墅涵碧樓,共計拆除41棟別墅,位置出名私密性好,附近更加係七星級酒店,其中1套就係范冰冰所購置嘅獨棟別墅,即早在2016年,曾一度傳言會作為范冰冰在老家嘅「婚房」。范冰冰十幾日前就上載過自拍片,所處位置從建築風格顏色到周邊環境綠化,都同被拆除嘅別墅區非常相似,不排除范冰冰當時係返去執嘢準備搬屋。
青島官方指因為施工回填對礁岩造成了一定程度的破壞,為保護自然生態,必須予以拆除復原,而官方在拆除之前對別墅進行評估和洽談,給予相應拆遷款賠償。根據現行對外售價情況分析,范冰冰所擁嘅獨棟類型別墅,至少按兩倍價格進行賠償,甚至有可能會更多。