瞓住覺影BB寫真!楊思琦囝囝伸脷勁可愛

2020年03月27日 13:15
東網電視
更多新聞短片
好幸福嘅畫面。
再做媽咪嘅楊思琦,仍然難掩興奮,最近就帶初生囝囝去影BB寫真,不過就仍然唔見佢圈外老公,保密工夫仍然做足,思琦大女Krystal就有同細佬合照,見到Krystal都好鍾意呢個細佬,思琦為囝囝準備多個造型,全程瞓住覺影,真係好歎呀!有時BB仲伸出條脷仔,相當可愛。
思琦代入囝囝角色發文,她說:「今次mummy帶我去影「寫真」!嘩!係「初生寫真」啊!第一次影靚仔相,勁開心!哈哈,原來有幾個造型添!你哋鍾意邊款多啲?
又有咁多靚姐姐同我着靚衫、扮型仔,幫我開暖氣,打靚燈!個個都錫晒我,對我好好喔!最驚喜係,原來佢哋仲安排左一張超舒服的床俾我瞓!等我全程可以瞓住覺嚟影相,秉承我一向「貪睡」的本色,真係好嘆呀!加埋family的成員一齊陪住我影相實在太開心呢!等我可以留住美好一刻!返去要飲多幾樽奶慶祝先得。」