世上最難觸及...就係《姊妹淘》張櫈 !

2020年03月27日 14:07
東網電視
更多新聞短片
加入《姊妹淘》嘅條件,首先要有長腿!
無綫節目《姊妹淘》2011年開播,轉吓眼都差唔多年十年,依家播緊第三輯。雖然《姊》主要係講吓女人經,但其實有唔少男粉集集追睇,因為裏面有好多靚女主持!要做然《姊》主持一啲都唔簡單,首先要挑戰到世上最難Carry嘅「姊妹櫈」,隻腳稍為短啲都掂唔到地呀!
講到《姊》代表人物,一定係最近結婚嘅莊思敏,佢由第一輯就開始做主持,大家經歷住做女變到做人妻嘅階段!身材高挑嘅佢擁有無遨長腿,挑戰「姊妹櫈 」真係其實唔難,所以佢都成日喺社交網晒坐住「姊妹櫈 」嘅相,完美演繹!
第二位,就要數到吳若希喇!佢由第二輯開始做主持,對於擁有長腿嘅佢嚟講,「姊妹櫈 」當然係一碟小菜,佢仲有時配上宅男最愛嘅黑絲,吸睛度爆燈!做咗人妻後,佢試過喺節目中爆seed,在數老公Alex不是,爆料話同Alex曾經分開過,之後佢上對方屋企,發現密碼鎖唔同咗,之後佢嶵竟然搵開鎖佬爆門,之後打爛晒啲嘢,真係勁癲!不過一個願打,一個願捱,最後都修成正果結埋婚添。
之後再介紹番三位90後新力軍,分別係陳詩欣、張寶兒同埋蔡嘉欣,三位靚女第三輯開始加盟,為節目增添年輕活力!白白淨嘅陳詩欣在有長腿,佢同時做過《3日2夜》主持,吸咗唔少粉絲!張寶兒同蔡嘉欣都係選美出身,張寶兒2016年選港姐,四強不入但就獲得「友誼小姐」,之後佢加入咗嘈到拆天嘅《學是學非》。蔡嘉欣2019年選港姐,被視為大熱嘅佢五強止步,之後入加無綫。本身係KOL嘅佢已經有唔少粉絲,依家做埋《姊》,大家可以見多佢幾眼。
最後一位,就係「異軍」王子涵喇,細細粒嘅佢主持咗兩輯《姊》,喺一眾高妹隔離,佢即時矮一截,無計啦!鬼叫對手咁高咩!