《愛．回家》龔燁玩Cosplay　原因勁Sweet！

《愛．回家之開心速遞》係無綫收視保證，當中龔燁（張景淳飾）同熊若水（呂慧儀飾）呢對CP最受歡迎。尋晚一集佢哋又大放閃光彈喇！

呢集講到，龔燁勁迷水手服戰士「出水亞美」，但熊若水好似對「出水亞美」好似有仇咁，若水仲掟咗龔燁嘅絕版模型仔，之後佢知道若水因為熊若水兒時陰影，所以好憎「出水亞美」，最後龔燁為咗幫女友解開呢個心結，不惜犧牲靚樣，cosplay番「出水亞美」氹女友開心，劇情都幾sweet！張景淳喺ig晒出cosplay相，仲話為咗呢場戲，專登走去減磅，真係辛苦晒！

其實呢集有段故，因為之前播出預告時，有動漫迷投訴公仔模型侵權，之後劇組臨時抽起兼道歉，同埋補拍番部分鏡頭。有網友見到模型髮型變咗短髮，部分畫面仲會blur咗隻公仔，而熊若水部分台詞要重配音！