學嘢啦!江嘉敏教點樣喺屋企影靚相

2020年03月29日 06:23
東網電視
更多新聞短片
喺屋企一樣可以影靚相。
受新冠肺炎影響,唔少人都留家避「炎」,呢日藝人江嘉敏就教大家即使喺屋企,都可以影到影樓級數嘅靚相!佢喺社交網晒出幾張靚相,見化行妝嘅佢擺出搽唇膏嘅甫士,加埋有Spotlight射住,唔講仲以為拍緊化妝品廣告。
佢透露呢輯相由化妝到拍攝,前後都唔使半個鐘就搞掂,仲大爆秘訣就係有個識影相嘅男朋友,佢留言:「講你都唔信!真係完美演繹喺屋企都可以影靚相!我用咗15分鐘化妝,用咗3分鐘整頭,再買件靚衫,叫超人用佢上年份生日禮物幫我影左10分鐘。完成。」佢又大讚男友Anthony影相確有一手,並笑言可以出租男友幫廣大網友影相,當幫補家計咁話。