被同一個人飛兩次？曾若華感謝前度畀靈感

歌手曾若華（Jude）日前接受TVB娛樂新聞台節目《StarTalk》主播許文軒（Edmond）專訪，大談推出新歌《零分》感受，她笑言連續推出兩首慘情歌，令很多人以為她經常被仔飛：「其實都係同一個人，都感謝呢段感情可以拎到靈感，其實寫廣東歌有難度，以前喺英國讀書生活，初初返到嚟香港交歌，有啲掌握唔到，覺得我啲旋律同廣東歌詞格格不入，但呢幾年聽多咗廣東歌，我花咗好多時間去研究。」

談到兼任導演拍MV，Jude表示曾修讀攝影，今次拍攝要自導自演難度甚高：「之前幫連詩雅拍《說一句》歌詞版MV，嗰時我未入行，佢其後講番初初見到我時有啲擔心，問呢個?妹係咪真係識拍嘢？好彩之後佢覺得效果好好，有再搵我合作。」