挑戰關禮傑飛越天際？張振朗重演「神跳樓」

無綫劇集《機場特警》將於聽日出街，主角張振朗喺社交網上載預告片，畀大家一睹為快！

片中可見，佢為咗追捕一名罪犯，喺冇助跑情況下，從高處躍身飛落下兩層嘅樓梯間，完美示範「跳樓」神技，身手敏捷，最誇張係佢喺空中滑翔幾米先至落地，與另一劇集《叛逃》中關禮傑跳天台有異曲同工之妙，令網民不禁回憶起當時經典嘅「飛越天際」場面，好多網民都話呢一幕拍得住關禮傑呀！