連外甥女件Tee都着到 倪晨曦勝在夠Slim

20200331
東網電視
更多新聞短片
倪晨曦勝在夠Slim,着咗外甥女件Tee之後更加無敵咁正!
日日留喺屋企避「炎」有咩做?等女神倪晨曦(Elva)畀啲提議大家啦!身處加大拿嘅Elva,每日都有對可愛嘅外甥女陪住,呢日佢就搞搞新意思,分別拍咗兩條片Upload上IG,潮玩移形換影Challenge。
Elva喺第一條片對鏡化妝、外甥女(睇樣最多7、8歲)就喺隔籬High爆跳舞,鏡頭一轉,佢哋兩個除咗位置、動作對調之外,就連身上件衫都換埋!Elva身形苗條、Model身材就係人都知,但佢竟然着得落超細件童裝,呢個Point亦成為網民最為驚喜、激Like,「倪晨曦真係無敵咁正」、「好搞笑好有創意」, 事後Elva都有親自回答因為件衫有彈性,所以先着得落!
至於喺第二條片,刷住牙嘅Elva就vs洗緊面嘅外甥女,同樣幾秒之後對換所有嘢,不過今次Elva睇嚟着唔到外甥女件外套,只可以披住,但亦都算超額完成Challenge!