《踩過界II》外景緬甸變大澳 張振朗成就解鎖係載人?

2020年03月31日 15:31
東網電視
更多新聞短片
張振朗今次真.載乘客!
藝人王浩信、張振朗、蔡思貝及張曦雯(Kelly)等,今日現身上水一所公祠,為無綫新劇《踩過界II》取景,劇情交代眾人去到公祠處理個案,席間張振朗型爆揸電單車接載Kelly,「英雄救男」將被困村民堆中的王浩信救出。
張振朗玩劇透
張振朗笑言每次拍劇都有一項成就解鎖:「難道一次比一次高,上一輯《踩》都仲係要車軌去車浩信,今次終於係自己揸。(之後仲有咩解鎖?)希望下個車浩信。」王浩信聞言爆笑謂:「原來你個解鎖係以人做單位!(你敢唔敢坐?)敢,見佢都好穩陣、又好定,路上都冇交通意外,對佢有信心!」並再爆劇情:「係思貝叫我頂住個祠堂門口,又會叫個視障人士擊退班村民嘅!就沿用第一輯嘅救生本能,揮動盲人杖。」張振朗抵死取笑對方「揈棍」好正,笑翻全場!
離港隔離=浪費時間
因疫情而取消原定的緬甸外景,問到拍攝時間、劇情上可有大變動?王浩信指均沒有太大影響,只是內容上有少少改動,更預告稍會去大澳取景代替:「將劇情擺喺大澳都適合,拍出嚟嘅效果都唔會影響個可觀性。(覺得可惜?)咁公司都係保障大家安全,依家去邊都要隔離,都會嘥咗啲時間,多方面考慮後去大澳係最合適,其實對演員嚟講去邊度拍都冇分別,都係做番好個角色。」張振朗亦表示不感到可惜:「去邊都好最緊要係班腳!拍得開心就得!」