28歲李君妍家人確診新冠 《姊妹淘》急停錄

2020年03月31日 16:20
東網電視
更多新聞短片
今朝李君妍先喺電視城拍完節目,下晝就有家人確診消息。
新冠肺炎來勢洶洶,近日確診人數以每日雙位數增長,有指無綫藝人、擁33C的李君妍的家人亦不幸確診,據知李君妍今早仍有拍攝《姊妹淘》外景,由於節目上各人都冇戴口罩,惹得人心惶惶。無綫隨後發布消息:「藝人李君妍的同住家姐初步確診,現正在政府醫院等候安排進一步檢測。李君妍自行安排測試,結果是陰性。」
Check三次先作準
李君妍上星期先加入《姊妹淘》,亦已在電視城開拍廠景,今早佢就與孫慧雪、蔡嘉欣到尖沙咀拍攝外景,當中雪雪稱已收到李君妍家人確診的通知,自言擔心:「因家屋企有阿仔,唔敢返屋企住,搵緊隔離居所,君妍好似Check咗係陰性,但要Check三次先可以作準,公司好好,提供醫療中心畀我做快速測試,不過太突然,自己都未Check,其實除咗今朝,上周四我同君妍都有一齊做嘢,依家暫停所有工作,老公都唔敢見住。」
蔡嘉欣亦同表示擔心:「當時係拍外景,但因為大家都無戴口罩,都好高風險。據我所知劇組下午嘅拍攝工作都取消咗。聽聞公司依家都開緊會,商量處理方法。而我下次再錄影係周四,不過我依家會自我家中隔離14日,唔會錄影住,確保大家安全。(做快速測試?)睇定啲先,留意呢14日內有無病徵先。」
另一《姊妹淘》主持張寶兒回覆說:「原本今日開外景,今朝工作人員打電話知道呢個消息,外景都取消晒,我今日先知呀!君妍加入姊妹淘冇幾耐,我同佢開廠係唔同集數,只係打過招呼,無一齊傾過偈,因為冇合作機會。」她直言現在危機四伏,唯有不斷保護自己,她說:「《學是學非》啲博士調較咗消毒噴霧畀我,我噴手腳外,會噴埋頭髮,返屋企就蒸衫。(你會唔會驗吓?)去邊度check?如果去醫院我仲驚,我見佢係上周四,都隔咗一段時間,我都見過屋企人,接觸過,如果去驗要齊齊去驗。」而上周李君妍的一班好友亦為她慶祝生日,李君妍的緋聞男友陳俊堅亦有出席,但表示未有聽聞,但會再了解。
同係《姊妹淘》拍檔嘅莊思敏亦指已收到通知:「君妍喺《姊妹淘》嘅Group Chat入面通知所有人,話有屋人確診咗,佢依家check(檢測)緊,未有消息。我上星期開廠時見過君妍,但只係幾秒鐘,我入廠佢出廠,打咗聲招呼,冇一齊錄同一集,我唔擔心,因為唔係緊密接觸,亦冇長時間接觸。希望君妍無事,佢嘅家人都盡快康復。」
另外,有份跟李君妍錄影節目的吳若希(Jinny),她回覆東網說:「我上星期朝早同佢一齊開工,但嗰時大家都冇嘢,我都唔知,公司冇一個正式通知我。」她覺得如果李君妍自己都未有確診:「大家好似突然間就咁恐慌,搞到啲人好慘。」