余德丞台北初體驗　揸船整陶瓷勁多嘢玩！

藝人余德丞主持的旅遊節目《台北101種玩法》近日在J2播出，他透露大家平時去得台北多，故今次會介紹一些大家比較少接觸的玩意，例如他今次就嘗試了揸船：「平時大家去淡水都係睇情人橋同風景，但我今次去就係揸船，有教練教，非常之平，今次係我人生第一次揸船，幾特別！」他亦表示今次嘗試了首次整陶瓷：「自己一直想試，但喺香港一直的唔起心肝，今次去到就跟咗個陶瓷大師學整陶瓷，過程幾得意，親手整咗個花樽出嚟，又訓練到耐性，都幾啱我，因為我個人都幾急躁，哈哈。」

而身為吃貨的他亦表示今次食了很好味的牛肉：「台南盛產牛，所以啲牛肉係早上喺台南屠宰完，然後即日運上台北，因為仲有溫度，所以調轉隻碟啲牛肉都唔會跌落嚟，好神奇，真係好好食、好新鮮！」