拖嫩口女同事行沙灘　戴志偉疑背妻偷食斷正

藝人戴志偉被傳背妻偷食，已轉行做保險嘅佢被拍得與嫩口女同事Candy手拖手，佢哋去咗淺水灣看海夠晒浪漫，期間十指緊扣兩人關係不言而喻，雖然當時人流已經很少，但男方警覺性甚高，只要付附近一有人出現，二人便會火速分開，環境安全後再次合體。去到入黑戴志偉要返屋企交人，最終同Candy「各走各路」！

據消息指二人在同一公司工作，約會頻密，為避開同事耳目，會前後腳出動撐枱腳，食飯地點更特意挑選離公司一段距離嘅食肆，減低被同事撞破的機會，飯後回公司同樣玩前後腳，避免令人起疑心。事件被爆出之後向戴志偉查詢，他表示沒有任何回應。

今年7月將踏入60歲嘅戴志偉，2011年拍完無綫劇集《天與地》後，就轉做保險，後成為分區高級經理，其兩名兒子已大學畢業並開始工作。