丁子朗篤中咪神個胸　張秀文咁樣答...

藝人林盛斌（Bob）同張秀文主持嘅無綫節目《你估我唔到》，最近搵嚟小鮮肉丁子朗做嘉賓，張秀文見到小鮮肉，依家好興奮，一開始就翹實人哋，真係好進擊！玩遊戲時，張秀文係咁烏身吹...啲杯呀！22歲仔嘅丁子朗見到來勢「胸胸」，都即時好怕醜，Bob就見慣大場面，搞笑咁話唔覺尷尬。

去到估嘢環節，丁子朗示範跳手指舞，點知篤到咪神張秀文個胸，張秀文大嗌：「你篤中我啦！」她在受訪時亦笑言：「大家唔好誤會，係肋骨位，同埋冇掂到我，純粹節目效果，得啖笑，我同丁子朗之前有合作《娛樂大家》，都係遊戲節目，所以知道大家好玩得，投入玩遊戲都係想帶歡樂畀大家，大家繼續支持睇我哋節目就好開心。」