【男士留意】朴敘俊栗子頭真係個個駕馭到?

2020年04月07日 18:00
東網電視
更多新聞短片
停一停,諗一諗,係咪真係要剪!
韓劇《梨泰院Class》hit到爆,劇中朴敘俊無論嬲豬定怕醜仔,佢都會摸摸自己個「栗子頭」,非常可愛!呢個栗子頭都掀起熱潮,唔少女粉絲都叫自己另一半剪呢個頭,但係栗子頭呢類齊蔭頭好蝦人,有幾多個人Carry到吖?
朴敘俊呢類靚人,要carry呢個頭梗係冇問題啦!佢初初都估唔到呢個頭咁多人跟住剪,因為有好多髮型師都勸人唔好剪呢個頭,因為唔係個個carry到同埋好難打理,朴敘俊提醒大家側面剷青位會長得好快,佢自己四日就會修剪一次,諗起都覺得煩!
栗子頭呢樣嘢,其實都有好多唔同韓星試過,好似G-Dragon、劉亞仁、朴寶劍咁,佢哋都有個共同點,就係顏值高!而華人演藝圈,都有人挑戰過呢個髮型,好似陳偉霆同埋吳亦凡咁,都係完全駕馭到。
如果顏值唔高,咁只好演技搭夠喇!好似韓星陳善圭喺《炸雞特攻隊》飾演嘅馬刑警咁,佢戲中就係剪栗子頭,但佢嘅顏值就真係麻麻,佢自己都知道,仲話過「我長得太醜了」,擔人嚟效果唔好,但導演安慰佢話:「馬刑警有他自己的魅力,別人不會有你這樣的臉孔。」