長腳蟹鬧主播？目擊者周嘉洛：聲線高啲啫

藝人周嘉洛、吳偉豪及焦浩軒於電視城為無綫處境劇《愛．回家之開心速遞》開工，對於同劇的呂慧儀（長腳蟹）被指日前有娛樂新聞台主播入廠探班，因不滿阻礙拍攝，再加上主播甫訪問開始便說：「你今日有咩講？」令其無名火起鬧爆對方，三男坦言拍攝以來未曾見過長腳蟹發火，被指事發在場的嘉洛更說：「唔係咁樣嘅，我見主播收到電話之後離開咗，對話間都冇火藥味，係正常對答。（因為阻住放飯發火？）唔會，佢非必要都唔會發火，只係講嘢大聲，聲線比較高啲，唔代表冇禮貌。」

而吳偉豪則表示長腳蟹於拍攝期間不時用豐富經驗指導他們，令其獲益良多，焦浩軒就大讚長腳蟹向來溫柔，不時請劇組人員食甜品。