鍾舒漫酒後反白眼瞓覺 泳兒企廁所唱歌

20200419
東網電視
更多新聞短片
女仔唔好成日飲醉呀!
歌手鍾舒漫(Sherman)在疫情期間到泳兒(Vincy)家中玩煮飯仔兼摸杯底,Sherman直呼茅台好好味,Vincy聽到後十分驚訝,Sherman解釋:「茅台係一啖一啖少少咁飲,你會飲到嗰種好味,落到喉嚨會有一種舒服嘅感覺。有一期我會飲Whisky,我鍾意飲烈酒。」Vincy則喜歡喝白酒、清酒、梅酒及香檳。片段接近尾聲,Sherman突然問Vincy幾時結婚,Vincy打咗個凸後即邊舉一杯邊說:「我哋下次再傾過!」十分搞笑。
事後問到二人酒後失禮事件,Vincy表示飲醉酒的她會精力過剩:「不停撩人哋玩撩到人哋覺得好煩,跟住唔畀人返屋企,同埋會企喺個廁所上唱歌。」Sherman則說到外地的斷片經歷:「有一次同Ken(洪卓立)、Vincy、洪杰去加拿大做嘢,做完後我哋留低自己旅行,有一晚去咗朋友屋企燒嘢食,屋主介紹咗一枝Whisky,好好飲,我就係咁飲,飲到係咁大笑、亂講嘢。燒完嘢食後入番屋,我坐咗佢哋張按摩椅,直到第二朝早起身,心諗:『死啦,發生乜嘢事呢?』我完全記唔到,之後先慢慢記番。之後佢哋send咗我一張好核突好核突嘅相出group,係我飲醉酒低炒、擘大個口、瞇埋眼反白眼咁瞓,仲要係成晚都維持住呢個狀態。Ken、Vincy同洪杰拎呢張相笑到我今日,張相佢哋仲執過,叫『R.I.P.』。」