山寨「威吔」！《愛回家》金城安夜半被吊落坡

藝人周嘉洛早前為無綫處境劇《愛．回家之開心速遞》開工，晚上於一處偏遠山坡取景，摸黑吊出斜坡仍毫無懼色，反而吳偉豪和張明偉自爆原來都是畏高族。

早前周嘉洛、吳偉豪、張明偉、焦浩軒和林浩文等於西貢為《愛》劇拍攝，劇情講到金城安（周嘉洛飾）僅用麻繩纏腰吊出山坡外，電影學會成員在山坡頂合力拉實麻繩，由於山坡都頗高，嘉洛看工作人員示範吊着下坡後，他便埋位拍攝，被吊上吊落山坡多次，都頗為牙煙。

張明偉說劇情講到他畏高，他說實情亦是：「我本身真係畏高，有時搭一兩層高的扶手電梯，望番落去，已經手軟腳軟，手心冒汗，與生俱來有呢個恐懼。」吳偉豪亦說：「我都有少少畏高，玩到過山車，但企懸岸邊會手軟腳軟，企唔到五秒，會諗啲唔好嘢。」嘉洛笑言：「我個人乜都想試，最驚試唔到其他嘢啫！」焦浩軒原來最驚重複做同一個動作，他說：「過山車OK，但一轉就會嘔，前後動作我冇乜事，我跳到十字步㗎。」