母親節前出世?楊卓娜爆楊怡開刀生B

2020年04月21日 21:30
東網電視
更多新聞短片
趕唔趕得切?
藝人楊卓娜一家、林盛斌(Bob)一家及薛家燕一家等現身電視城,為《流行經典50年》錄影母親節特輯,場面相當熱鬧,大會向在場嘉賓母親送上鮮花表心意。
楊卓娜受訪時談到妹妹楊怡預產期,她透露:「可能呢個母親節會好特別,佢應該生咗嘞。(順產定開刀?)開刀。(依家因為疫情,未必探到BB?)要等佢安排,醫院會有指引。」
問到準備了甚麼禮物送給姨甥女?她說:「會送啲可以保值嘅嘢。好多朋友送衫仔畀BB,加上又有贊助嘛,我都想做啲小手工,但開咗頭未埋尾。(阿怡心情緊張?)佢都唔算,因為有我媽咪,又有佢奶奶,仲有我都可以陪佢坐月,反而擔心佢唔夠時間休息。」
原來楊卓娜女兒生於母親節,當被問到慶祝活動,她表示:「暫時諗緊會喺屋企BBQ或者打邊爐慶祝。其實往年都會同晒所有屋企人一齊出去食飯慶祝,但今年有禁聚令,所以分開各自留家食飯啦。」