孖周柏豪上山下海　袁偉豪傷尾龍骨忍痛拍攝

無綫藝人袁偉豪與周柏豪相識18年，多年前曾合演舞台劇，亦拍過無綫劇《使徒行者2》。兩位「Oppa」近日拍攝無綫節目《兩個小生去Camping》（暫名），每日去偏遠地方拍攝，既要上山又要下海，相當辛苦。

野外煮食

袁偉豪受訪時表示：「呢個節目主要係講野外露營，會提及露營發燒友玩意，亦會介紹一啲香港郊外紮營嘅好地方，當中有啲落水鏡頭，亦會請嘉賓嚟傾吓偈，我同柏豪都會喺野外煮食。」前日，他們邀得好友洪永城及陳山聰擔任嘉賓，於野外談天說地。

冇買保險

提到要攀山涉水及玩滑翔傘，問到有否買重保險？袁偉豪說：「我冇呀，但唔知柏豪有冇，不過拍嗰陣體能需求好大，每日拍十幾個鐘，同埋依家天氣開始熱，日曬雨淋幾辛苦。」又表示非首次玩滑翔傘，但就初嘗風箏滑浪，期間更發生小意外：「唔小心落水時坐咗落舊石頭度，因為嗰度啲水好淺，所以撞親尾龍骨，好痛！」