【死去活來】港姐疫境復辦　轉戰網上真人騷

因新冠肺炎疫情影響，無綫之前宣布港姐將停辦一年，不過今日無綫助理總經理（非戲劇製作）余詠珊於記者會中公開表示今年會復辦，但會以一個網絡形式進行，於big big channel播放，內裏會有真人騷及全民淘汰，網民亦可於網上看到佳麗們的日常生活，泳裝、化妝等，此網上港姐節目乃官方認可，亦會選出冠、亞、季軍殊榮。而參賽者資格要是香港人，但來自各地的香港人都可以參加，五月尾開始舉行，初步會挑戰五、六十個女仔。

余詠珊說：「因為疫情關係，我哋都唔會長期集合晒所有人一齊做，訓練嘅項目係可以喺屋企個別做，希望可以有更多觀眾參與，大家有互動。（會否有決賽？）要視乎疫情情況。」她表示選美為期兩至三個月，佳麗要自拍，亦會安排工作人員上門set up器材拍攝！