港姐搞網絡版！黃嘉雯讚創新：我想再參加

應屆香港小姐冠軍黃嘉雯與亞軍王菲出席無綫big big channel「2020 TVB 網絡平台 疫境求新」記者會。講到今年因疫情原本停辦一年的香港小姐在變成網絡版復活，黃嘉雯認為香港小姐在網絡舉行很創新，以往觀眾去到決賽才認識佳麗，現在可透過網絡了解到佳麗真實一面。她說：「都聽好多新環節諗法，覺得幾好玩，我都想再參加一次，或者可唔可以做導師一齊玩。（網絡舉行冇咗港姐高貴形象？）做電視節目要創新，同埋依家觀眾上網時間多過睇電視，反而係一個突破，畀全球更多人睇到節目。（唔使冧莊鬆一口氣？）我好隨心嘅，多啲成員加入香港小姐大家庭都係好事。」

王菲則認為網絡上可呈現很多電視上看不到的環節和畫面，除了靚，也可讓佳麗盡展所長。