周揚青驚驚速驗性病　公開點名愷樂做檢查

台灣歌手羅志祥（小豬）與內地網紅周揚青9年情玩完，即使小豬已先後兩次公開道歉，今日凌晨更直認多次偷食兼向各方女事主道歉，仍都未得到各界原諒。而尋日周揚青嘅分手宣言中就指明小豬同旗下女藝人、化妝師等有長期不正當男女關係，全城喪估邊係位「旗下女藝人」之際，點知一轉頭周揚青就「公布」對方身份，喺社交網點名叫佢做身體檢查！

小豬旗下藝人除男團C.T.O外，就只有愷樂（蝴蝶姐姐）一人，唔少網友都話周揚青嘅Hints夠晒明顯，不過都未算，有網友走去周揚青社交網留言，建議佢分手後應該要去檢查性病，點知周揚青大方坦承：「我分手立刻就去檢查了，我沒有」周揚青之後更直接點名愷樂，再次留言回應網友：「你是說讓蝴蝶去檢查身體嗎？」咁都仲未夠，有網友問邊個係蝴蝶姐姐時，周揚青直頭Tag埋愷樂個Account，睇嚟「旗下女藝人」身份今次真係呼之欲出！

另疑似周揚青小號爆料，有網友表示：「蝴蝶是真的愛豬才願意當小三吧。」未料小號回覆表示：「沒有，她自己也有男朋友。」並表示事件上男女都不好，但畢竟對方是女生，而且很大程度上被是男生哄騙，結果還在被男生討論，知道後一定會很難過：「所以給她們留點臉面吧，畢竟以後還要嫁人，但認識我本人還在外面裝純情私下當p友的，你看我不就沒留情面。」被扯到周揚青和羅志祥分手一事上，愷樂至今仍未有回應。