打對台唔怕無綫嬲豬！杏兒：之前都有搵我

藝人胡杏兒在九龍灣E-Max出席ViuTV劇集《熟女強人》拜神，在疫情下身為媽媽的杏兒相當小心，拜神分享角色也用口罩遮擋支咪，減低風險：「啱啱先聽人講外國有人共用咪「中招」，身為媽媽屋企有老有嫩係緊張啲，開工工作人員辛苦啲要長期戴口罩，演員戴唔到但係都會做足消毒措施，返到屋企亦都會大清洗，沖晒涼先抱得個仔。」

無綫視后杏兒2015年離巢後首次在港拍劇與娘家打對台，劇中飾演心理醫生兼性治療師，問到可擔心為ViuTV效力後不再獲無綫邀請拍劇？她說：「唔會嘅，TVB之前都有有搵我，但係我要生仔拍唔到，時間好長，會再有機會合作嘅，歡迎娘家再搵我。」講到港姐以網絡形式復辦？杏兒說：「好新穎、好特別，但係應該唔准用濾鏡。」