羅志祥玩女上男下瑜伽　蝴蝶姐姐撞擊小小豬

內地網紅周揚青日前宣布同台灣天王羅志祥（小豬）分手，結束九年情，更大玩爆料指小豬愛「多人運動」兼同旗下女藝人有長期不正當嘅男女關係，令唔少網友矛頭直指台灣女星愷樂（蝴蝶姐姐）！

雖然愷樂未有為此事出聲澄清，但有網友翻查四年前，當時有份做主持節目《娛樂百分百》嘅小豬同愷樂，喺節目大玩雙人瑜伽，竟然無獨有偶，佢哋玩埋女上男下呢個瑜伽動作。

當時着住超短裙嘅愷樂，面露尷尬，而小豬舉起咗佢雙美腿嘅時候，仲非常有「風度」雙眼唔敢直望對方，怕望到對方重要部位……

最後，呢個動作維持短短幾秒，愷樂以一招「垂直撞擊」，坐落「小小豬」度，搞到小豬面紅紅。

另外，喺《娛樂百分百》網上頻道尋日上載最新一集嘅《凹嗚狼人殺》，當中愷樂有份參與，但咁啱撞正周揚青爆料講分手，令有唔少網友留言鬧爆，但今日再睇番鬧爆留言已經少咗好多，有網友懷疑節目組刪除相關留言。