曾與林峯爆床照　潘霜霜嘆唔似周揚青有腦？

大陸網紅周揚青日前承認同羅志祥（小豬）分手兼數臭對方，發表「毀滅式宣言」，成為網民熱話！而曾與林峯拍拖、流出床照嘅36D大陸女星潘霜霜都加把口！

佢喺微博發文：「我要是有周三分之一腦子我也就另一番天空了，我這精彩太多了。」雖然佢冇講明「周」係咪周揚青，不過唔少網民都覺得佢係講緊呢件事，而冇耐佢已經刪除發文！至於林峯就透過經理人表示唔會回應事件，其堂妹林夏薇受訪時表示：「冇回應，希望大家專心抗疫啦！」

而此前，佢同網民互動時大爆料自己手上6段精彩片段，當中用詞仲十分大膽！有網民留言：「我覺得你真的很好，一直忍氣吞聲，自己又是圈外人，沒有話語權，現在還要被莫名其妙帶下場，他們也是搞笑。」潘霜霜就回覆對方：「別理他們，無知的腦殘粉，當初我真應該把他背叛睡X的六段XX視頻公布與（於）世，也就沒那麼多廢話了！」

2011年，兩人爆出床照後，林峯坦承曾拍拖幾個月，但因性格不合分手，當時更唔知被拍吓床照，係佢入行以來最大打擊嘅一次。而被指「流出」床照靠男方上位嘅潘霜霜就話覺得好難受，係真心愛對方。