網上短片勁心寒！傳林心如收養劉真愛女

台灣女星林心如四年前為老公霍建華誕下一女「小海豚」，去年有傳佢懷上第二胎，不過都係只聞樓梯響，而最近更網上瘋傳一系列影片，以播報新聞的方式指林心如收養已故台灣國標女王劉真稚女「霓霓」，報道林心如育兒心得、撫養兩個小朋友嘅甘苦等，震驚網絡！

由4月開始，網上出現「林心如開記者會，流着淚宣布領養霓霓」為內容、不知來源同出處嘅影片，之後更出現「霓霓在林心如家兩天就叫林心如是媽媽了」等持續連載式發放，原來係有人借林心如好媽媽形象呃點擊率，造謠林心如領養了劉真女兒，令不知情網友被誤導，就連好友林志玲、徐熙娣（小S）等都中招，小S忽然變「目擊者」而林志玲則被同類型影片指「自爆懷孕5個月」，一系列影片內容消費死者、賺點擊率，睇到網友都大嗌心寒，唔少網友更狠指造謠者無良！