【泰國大解放】何泳芍玩天體Spa　真空任摸

無綫旅遊節目《3日2夜》例必有泳裝睇，由藝人謝芷倫（Jan）與何泳芍（Honey）拍攝的最新一輯節目中，兩人在泰國布吉除玩盡水上運動外，Honey還大膽地半裸上身與Jan一齊體驗戶外天體Spa。

初嘗戶外泰式按摩的兩人躺在草地上，Jan較為保守，穿了比堅尼top做按摩，Honey則豁出去，坦蕩蕩上身趴在墊上，露出白滑玉背及露波邊，非常吸睛，她坦言以真空上陣，故拍攝時自己及工作人員都怕她會走光，不時叫她趴低些，又驚她忘記自己無穿上衣而突然起身。Jan在節目中話：「我有啲緊張，我第一次，喺戶外，仲要咁多人望住，日光日白，希望會對我溫柔啲。」

按摩時Jan大讚正：「聞住啲青草味，聽住海浪聲，仲竟然畀我喺海邊搵到天體嘅感覺。」仲話如果有機會都想試天體沙灘。

另外，兩人又玩人造滑浪，她們穿上背心形泳衣top加短褲上陣騷纖腰及長腿，雖然Honey玩慣滑水，但都跟Jan一樣下場慘摔在吹氣平台上，兩人都大叫好痛，Jan笑言玩到差點褲到甩。