王麗嘉半裸淋浴　44歲佘詩曼晒馬甲線露纖腰

藝人王敏德同名模太太馬詩慧嘅24歲二女王麗嘉（Irisa）作風大膽，不時喺社交網上載性感照晒身材！早前曾上載出浴裸照嘅佢引來熱烈討論，不過佢未有理會繼續做自己，尋晚佢又再上載半裸照，齋着底底喺大自然下淋浴，晒出優質股，非常噴血！原來張相又係出自御用攝影師馬詩慧手筆，佢又搞笑自誇：「Such a good photographer.」

而44歲嘅「娘娘」佘詩曼都唔輸蝕，接受微博近日興起嘅「沙發躺挑戰」，上載兩張照片，留言：「貴妃躺有氣質，瑜伽躺才是最愛…宅家也要保持美麗！」「瑜伽躺」呢張佢着住Sports Bra坐喺梳化上做瑜伽，激罕露出纖腰同馬甲線，大晒Fit爆身材，網民都嗌好羨慕，大讚佢Keep得好好呀！