張敬軒又扮女人 同倪晨曦撞晒樣!

2020年04月28日 21:31
東網電視
更多新聞短片
真係好似樣!
歌手張敬軒出咗名係扮嘢高手,扮女人更加係出色!今次佢又再出動,攞咗「宅男女神」倪晨曦(Elva)嚟玩,仲自己做Elva孖生細妹倪黃昏。
軒仔留言:「先嗰排 好多人都問我,新嘅一年會同女神Elva倪晨曦擦出點樣嘅火花,我收到風話女神呢期玩緊抗疫瑜伽,遲兩日先出關。於是我搵咗佢異父異母嘅細妹 #倪黃昏 #Elmo 一齊合作,仲有佢阿媽 #倪半夜同埋個細佬#倪晏晝。阿黃昏話佢已經準備好將自己嫁畀個舞台 ,不過冇講邊個舞台 ,勢要同Elva喺2020年競逐女神寶座。佢嘅人生座右銘係搵人接住我。 」
軒仔舉手投足學到十足,佢仲搞笑問Elva點解啲相背後都要有植物:「阿姐你因乜解救影親相都要有棵綠色野(嘢)係(喺)背脊,#我哋影嗰陣後面阿迪哥仔舉盆嘢舉到腰痛,如果有咩事我點樣賠返條腰比(畀)人哋老婆,btw阿黃昏話想搵你飲茶同埋做低溫瑜伽 喎。」