謝東閔被朱智賢背叛　過來人馬國明醒佢兩招！

視帝馬國明、黃智雯、譚凱琪及胡鴻鈞等現身電視城，出席新劇《降魔的2.0》宣傳，場面熱鬧。朱智賢與黎振燁「偷食」熱爆全城，有指謝東閔如「馬國明2.0」，馬國明表示：「近日我忙緊開廠，但都知發生緊乜事。好似當事人都未講過嘢，人哋嘅嘢我唔回應喇。（有冇方法教謝東閔走出陰霾？）我同佢都合作過好多次，印象中佢係開朗嘅人，應該冇問題嘅，感情嘅事自己先知。（你已完全冇事？）都過咗咁耐，千祈唔好怪責任何人。（你可以拍拖喇？）我冇話自己唔ready，隨緣啦，有機會同大家講，見到我同女仔食飯唔好驚訝。其實都有朋友話介紹新朋友畀我識，我就有少少抗拒，覺得尷尬。」

談到《降》劇周旋於黃智雯、劉佩玥及譚凱琪中，他笑說：「應該係《談情說案》扮花花公子後，最有艷福嘅一次。」他又「呼籲」粉絲要先重溫上集：「因為劇情好緊接，驚大家唔記得上集嘅劇情，一時Pick up唔到。而今次都留咗伏線，如果收視好嘅話應該會再開（第三集）。」