抗疫閨房樂　真野惠里菜同國腳老公鬥好波

憑神劇《逃跑雖可恥但有用》中飾演單親媽媽上位的日本女星真野惠里菜，於2018年結婚後便嫁雞隨雞移居到西班牙生活。由於新冠肺炎疫情嚴峻，當地政府限制市民外出，她宅在家中冇嘢做，實行搵啲運動做吓健身。

身材惹火嘅真野更新咗微博，並上載最新運動片的段「的波」！點解佢唔跳健康舞、唔做瑜伽揀咗呢個咁女性咁偏門嘅運動嚟健身呢，原來佢老公係效力西乙球隊拉科魯尼亞嘅日本國腳柴崎岳。

真野配文：「拼命的最高記錄21次，雖然磕磕碰碰的，但至少達到了目標20次，過於開心了！」

其實佢喺一個半月前已經開始的波，真野一直發布自己練波片到微博，最初不停碰壁，的咗3下，個波就打中自己個鼻，十分惹笑，但係經努力練習後，終於球技大有進步。

她在社交網下感言：「切身體會到，做任何事情都應該持之以恒。」