被陳智燊狂寸 大肚宋熙年反擊揭偷食!

20200430
東網電視
更多新聞短片
老婆話晒都大肚,咪就吓佢囉…
藝人陳智燊(Jason)老婆宋熙年現懷有身孕,依家大肚婆冇必要當然唔好出街,所以搞到Jason要做埋佢嗰份,落超級市場買餸。Jason喺社交網站呻落超市好辛苦,因為老婆列咗清單畀佢,但就冇分類,列到九唔搭八,一時蔬菜、一時肉類之後又寫買菜,搞到佢攞住張紙好似喺超市迷路咁,搞到要公開不停「埋怨」老婆!
而宋熙年亦不甘示弱,質問老公話佢張單都冇寫到要買酒同薯片,點解會出現喺屋企,唔怪得啲網友都話睇住佢兩公婆網上耍花槍十分搞笑,直頭好似睇緊劇咁!