曾遭老公背叛!吳若希諒解:我感情都精彩

2020年04月30日 16:15
東網電視
更多新聞短片
吳若希都試過遭老公背叛。
藝人吳若希為無綫節目《姊妹淘》錄影,提到有關朱智賢背男友謝東閔偷會人夫黎振燁一事,跟他們同公司,又曾被「背叛」的吳若希以過來人身份說:「當事人太大壓力啦…不過感情如能夠經歷呢個風波,兼捱過到嘅話,就會好穩陣。(過來人?)係呀,我都好精彩,自己都生活幸福,老公曾經都好多秘密,作為藝人另一半,總會有被踢爆機會,好彩我哋拍拖冇耐,佢就被人爆晒啲嘢出嚟,而我就好大方,好諒解去面對,所以大家可以繼續呢段感情。」
講回《姊妹淘》節目主題是婦女尿滲問題,她笑言自己暫時冇事:「依家社會開放咗,婦女病話題已開放討論,台灣女歌手陳嘉樺(Ella)都係咁,可以用激光醫治,甚至市面上有收陰機之類,收陰都係要探討嘅問題,有不過我暫時冇事,但預防勝於治療。」
目標生3個
提到生小朋友,她坦言想再追:「奶奶都話生女好,我自己都係咁諗,老公就冇所謂,目標係生3個,但住屋方面就想大啲,諗過移民㗎,如澳洲或多啲空間感嘅地方,所以我都開始搵樓,依家住緊嗰陣空間感唔夠,睇緊郊外,好似啲村屋有花園會啱啲。(租定買?)租好啲,我自己都係業主,零回報,反而投資基金有4厘回報更划算。」