同Siri談情被拒愛　佘詩曼勁冇癮嬲豬

藝人佘詩曼（阿佘）在內地劇《鬢邊不是海棠紅》中演出備受讚賞，早前她接受內地傳媒訪問時，就要挑戰與手機功能Siri玩遊戲，被要求在3分鐘內引導Siri講出「我愛你」三個字。

阿佘先用普通話問Siri「你愛我嗎」，Siri卻回覆「我尊重你」，阿佘一臉無奈再用廣東話問Siri「你愛唔愛我」，Siri就引用咗電影《阿飛正傳》中其中一句經典對白「我係一隻冇腳嘅雀仔」回覆，搞到阿佘嬲嬲豬。

阿佘未有放棄再追問：「我好愛你呀，你愛唔愛我？」Siri甚至冇反應，阿佘再追問：「我好靚㗎喎，你真係唔鍾意我？」Siri簡單覆咗一個「哦」字來回應。之後阿佘索性轉話題，問Siri食唔食雪糕，點知siri答佢已經到咗無欲無求階段，嬲到阿佘同佢講「拜拜」，非常搞笑！