雙人運動斷正 崔碧珈爆縮水美國隊長已婚

20200503
東網電視
更多新聞短片
崔碧珈疑暗撻老外新歡,原來係一場誤會!
藝人崔碧珈(Anita)近日被拍到與外籍爆肌男在沙灘做運動,疑有新戀情,Anita否認對方是新歡:「我同佢係好朋友,佢叫Keno,係動作演員。我哋當然唔係拍拖啦,我哋嚟緊會有一部動作電影一齊拍攝,所以就一齊訓練,佢訓練過好多演員,Celina Jade同韓庚都係佢嘅學生。」她又透露對方已婚,所以絕對沒有發展機會:「Keno已經結咗婚,佢老婆同埋BB都同佢一齊喺香港住,我都認識佢嘅屋企人,大家都好好朋友,所以絕對冇發展嘅空間。哈哈!」講到感情生活,Anita坦言現時一片空白:「暫時未有心思去準備新戀情,最近亦都忙住新嘅項目籌備同埋訓練,隨時隨刻都好好準備自己,所以會同自己嘅事業談戀愛先。」她自言是個愛分享的人,如果有新戀情定會向大家公布。
另外,Anita之前表示五月可能會到美國拍戲,由於當地新冠肺炎疫情仍未緩和,問她是否如期起行?她說:「美國導演嗰邊可以畀我開幾前一個星期前先答覆,視乎當地疫情,當然希望會愈嚟愈好,都會放心過去拍戲。我都想過去,但都係等多兩個禮拜每日睇睇新聞,最後先至決定去唔去。」