魏駿傑賣獨立屋套現 準備帶囡囡出走?

20200503
東網電視
更多新聞短片
魏駿傑同囡囡相依為命。
52歲魏駿傑今年初與嫩妻張利華離婚,做「帶女洪郎」的他,與9歲女兒Jessica相依為命,父女感情因新冠肺炎變得更鞏固。就讀小學四年級的Jessica連月來在家透過電腦上堂,廿四孝老竇魏駿傑當然做埋老師陪做功課,連同女兒同學都接埋返家齊齊溫習。年過半百的他重拾課本,笑言似再讀小學。Jessica坦言有爸爸陪做功課,開心過返學,問到可有掛念媽媽?Jessica起初語塞,之後才說:「都有……佢有打電話畀我,話帶我出去玩。」
婚後與父親同住
Jessica雖然在單親家庭成長,但有爸爸愛錫,總算填補了空虛。她亦很懂事,總會陪爸爸睇電影和一齊煮飯仔,常常說「最愛爸爸」的她聲稱日後嫁人,都要跟爸爸同住。冧爆的魏駿傑說:「佢好生性,最近疫情我冇工開冇收入,佢就成日叫我慳錢,就算啲衫褲穿咗窿都唔丟。」
近年主要在內地拍戲和登台的他,對後市不看好,為想有更多現金「揸手」,準備出售西貢的獨立屋套現,租住較細的單位:「得番我同個女,唔使住咁大,賣咗間屋攞番啲現金揸手。又或者我去馬來西亞住,建立第二個家園,嗰邊小朋友讀書冇香港咁大壓力。」
餐廳生意跌七成
他表示早年投資的泰國餐廳已在去年易手,目前只餘跟朋友合資的燒烤餐廳,但生意跌了六、七成。日前他巡視業務,入座率慘不忍睹,他說:「寄望疫情過後,生意再爬升,之前每月盈利都有幾十萬,係一個可觀數目。」