發福重咗10磅!沙律做家居運動減肥

20200504
東網電視
更多新聞短片
沙律同龐景峰、簡思恩拍片教健身。
藝人龐景峰(Andrew)、張沛樂(沙律)與簡思恩(Melody)一齊拍片教健身,Andrew稱因疫情關係不少健身教練都會拍片,但部分需要器材輔助,而有些動作在沒有專人在旁指導下很容易受傷:「我今次拍嘅係類似九十年代嘅健身操,唔需要器材,而且唔會受傷,啲動作個個都做到。我教咗健身兩年,學生年齡由6歲至70幾歲都有,所以係人人都適合做。」他笑言邀請沙律及Melody一齊拍片,可以令畫面更熱鬧,令看片的人更開心。Andrew又指現時已暫停開班教健身,只單對單教功夫,講到收入大減,他認為收入只是其次,健康最重要。
另外,沙律自爆因疫情關係,身邊朋友及自己也發福不少:「我重咗十磅以上,依家都努力減緊,減肥係終身事業。我前幾日去咗行山,但因為我隻腳有骨刺嘅舊患,跑步行山會痛幾日,所以我唔係好啱行山,比較適合家居運動,安全好緊要。」至於Melody自言同樣肥了不少,以前試過跑50公里而弄傷膝蓋,自此很重視運動的安全性。