G.E.M.心肌供血不足　跑唔夠3分鐘：我要死了

歌手鄧紫棋（G.E.M.）最近參與嘅內地真人騷節目《我要這樣生活》播出，當中除咗分享自己嘅獨居生活，最新預告中講到要去醫院做身體檢查，G.E.M.接受跑步測試，卻跑唔到三分鐘，仲邊跑邊大嗌：「我要死了！」

醫生指佢嘅心電圖與正常人有偏差，並診斷為心肌供血不足，解釋有部分人係心瓣嘅問題，有部分係肌肉問題，而G.E.M.就透露：「其實我小時候就知道左邊心室，有一條額外的管，但是這麼多年都沒有甚麼太大的事情發生，所以老實說我也就忘了這件事情。」唔少網友都表示擔心，提點經常中港兩邊走嘅佢，多加留意身體健康。