社交網洩「蜜」！馮盈盈薑汁撞奶慰藉鄭衍峰

藝人馮盈盈早前被指與大隻主播鄭衍峰暗撻3個月，盈盈更剛喺《#後生仔傾吓偈》爆除夕是跟對方嘅紀念日。日前鄭衍峰喺社交網上載食早餐嘅照片，相中見枱上有一金色網狀枱墊，無獨有偶同馮盈盈兩星期前，自拍親自炮製心形薑汁撞奶嘅照片中，有類似同款嘅金色網狀枱墊，未知馮盈盈呢碗奶係咪整畀鄭衍峰呢？