黃建東影到似侏儒!劉晨芝水着晒身材掃興

2020年05月07日 07:22
東網電視
更多新聞短片
影咗幾百張相得四張用得……
藝人劉晨芝(Adrienne)最近頻頻出動,換上泳裝戰衣大晒火辣身材,呢日佢就出海遊船河,以靚靚白色連身泳衣出擊,除咗騷胸晒腿之外,中空設計更凸顯腰部線條,佢仲專誠搵埋自稱「好影得」嘅好友黃建東嚟擔任攝影師,為佢拍攝寫真。
Adrienne喺社交網晒靚相,不過得四張喺有專職攝影師情況下似乎少咗啲,Adrienne就大爆原來呢幾張相係「萬中無一」嘅佳作,仲留言暗寸黃建東嘅攝影技術:「今次叫埋東東一齊去,佢話佢影相好靚喎,好期待咁叫佢幫我影,佢大大話話幫我影咗幾百張相,點知出到嚟一係就影到我好似侏儒咁,一係就影到隻腳彎晒,揀咗成個幾鐘先揀到幾張,不過我都知佢好努力㗎啦,哈哈。」
而知衰嘅黃建東,亦好識做咁賣口乖留言氹番Adrienne:「BB,你知道嗎?你又Fit又靚,要影到你似侏儒真係一件好難嘅事。可以同我哋分享一啲侏儒相嗎?」