Katy Perry拉低條裙騷巨肚　自爆有香港腳

美國樂壇天后Katy Perry兩個月前宣布大肚，為影星未婚夫奧蘭度布林（Orlando Bloom）佗女嬰，日前她於社交網站開live與友人吹水時突然拉低條裙騷巨肚。她表示自己正面唔覺大肚但側面就現晒肚，而她更笑指肚裡B女好活躍向她舉中指，之前一直沒有公開預產期的她暗示B女將於夏天出世。

此外，Katy更透露與奧蘭度一同隔離避疫的情況，她笑說：「如果你可以喺隔離期間愛我嘅話，那就代表你會喺其他任何時候都會同樣愛我。你根本唔可以收埋你對『香港腳』。呢個係我！你唔可以（喺隔離期間）收埋任何嘢！」